EASTER SUNDAY B

NO RETREAT, NO SURRENDER 

Usa ka babae ug ang iyang sigeg kasuko nga bana nagbakasyon sa Jerusalem. Sa didto na sila sa Jerusalem namatay ang bana. Busa nangayo siya ug tambag kon unsa ang iyang buhaton. Ang care taker miingon: “kon imo siyang dad-on pagbalik sa Pilipinas mogasto ka ug dako kaayo, pero kon dinhi nimo siya ilubong gamay ra kaayo ang imong gasto.” Naghunahuna ang asawa ug mi decide nga dad-on lang niya ug balik ang iyang bana sa pilipinas. Ang care taker miingon: “nganong dad-on man nimo ang imong bana ug balik nga mahal man kaayo ang imong magasto niana, dinhi nalang kay barato ra kaayo!”

Ang babae mitubag: “dad-on lang nako ang akong bana ug balik oi! kay kaniadto adunay namatay dinhi unya gilubong pero sa ikatulo ka adlaw nabanhaw man, di ko gusto nga mabanhaw ang akong bana!”

Greetings!

Karon ang tibuok nga mga Kristianos nagsaulog sa pagkabanhaw ni Kristo. Mao kini ang adlaw diin  atong gisangyaw sa tibuok kalibutan ang kadaugan ni kristo batok sa kamatayon.

Usa ka butang ang atong masiguro – kon wala pa mabanhaw si Kristo, dili na unta nato madunggan ang mga apostoles. Atong sayran nga human sa paglansang ni Kristo sa krus, ang mga tinun-an nagkabuang sa pagpanago, uban sa kahadlok nga mahiaguman nila ang susamang kamatayon sa krus. Ang misteryo sa pagkabanhaw, ug wala nay lain, maoy nagtukmod sa mga apostoles nga mogawas pagbalik ug magmaisogon nga mosangyaw mahitungod ni Kristo ug sa Maayong Balita ngadto sa tanang katawhan. Ug mao kini ang hinungdan nga ania ang atong buhing simbahan karon, nga nagsaulog kita karon.

Sa kinabuhi sa tawo adunay mga kalisod sama sa nahiaguman ni Kristo apan luyo niining kalisod adunay paglaum nga nagpaabot tungod kay aduna may pagkabanhaw.

Sa nag eskwela ko sa seminary, daghang kalisod ang akong naagian. Dunay panahon nga wala na gyod koy kuarta, bisan gani pamilete was na gyod. Apan bisan pa niining biernes santo sa kinabuhi nagpadayon lang gihapon ako. Tuod man nahuman nako ang tanan ug nahimong pari(Resurrection).

Kon kamo nag-antos mo nga daw biernes santo ang kinabuhi ayaw kawala sa paglaum adunay kalipay nga nagpaabot kaninyo. Moabot ra gihapon ang kalipay nga mao resurrection sa kinabuhi. 

Kon si Kristo nagmadaugon tungod kay siya nabanhaw man. Kita usab magmadaugon diha sa atong mga pag antos. No retreat no surrender! Bahalag mag antos because someday you will experience  resurrection nga mao ang tiunay nga kalipay. 

HAPPY EASTER!

http://frritchellsquitahomilies.blogspot.com/