6TH SUNDAY IN ORDINARY TIME YEAR B

HABANG MAY BUHAY MAY PAG-ASANG NAGHIHINTAY

Niadtong miaging gabii, nagtan-aw ko sa telebisyon ug akong nakita ang usa ka babae nga gi-interview mahitungod sa iyang kinabuhi. Matud pa niya, gibiyaan niya ang iyang mga ginikanan kay gusto ug kagawasan. Apan sa kadugayan nalulong siya sa masamang bisyo: inom, droga, ug bisan kinsa nalang nga lalake ang iyang ikauban. Sulod sa mga napulo ka tuig mao lamang iyang buhaton sige ug inom, segi ug drugs ug bisan kinsa nalang nga lalaki ang iyang gikauban. Usa ka higayon niana, matud pa niya, kalit lang siyang makuyapan busa gidala siya sa ospital ug dugay gayud siya nga wala makamata. Sa iyang damgo, mihilak siya ug nangayo sa kalooy sa Dios nga kon tagaan pa gani siya ug last nga chance sa iyang kinabuhi, magbag-o na siya. Didto niya nasinati ang milagro sa Dios tungod kay nakamata siya ug naulian sa iyang sakit. Karong panahuna nahimo siyang  usa na ka speaker sa mga forum sa youth u gang  iyang gipaambit ang iyang kasinatian.

GREETINGS!

Ang atong Ebanghelyo karong adlawa, nagsaysay kanato sa usa ka sanlahon nga miduol kang Hesus aron siya mamaayo. Siya miingon, “Ginoo, kon buot ka mamaayo ako.” “Buot ako”, mitubag su Hesus ug naayo ang sanlahon. Gipinahan siya ni Hesus sa dili pagpanugilon sa kang bisan kinsa kon dili moadto siya sa pari aron pagpahiling ug maghalad sumala sa gisugo ni Moises, apan, gisugilon hinoon niya sa tanan nga iyang matagbuan ang nahitabo kaniya.

Mao usab kini ang gihimo sa babae nga akong gisulti kaninyo kaganiha. Siya nahimong instrumento sa pagpakaylap sa kaayuhan sa tanan kini tungod sa iyang nadawat nga kaayuhan gikan sa Ginoo.

Ang mga sanlahon kaniadto mga outcasts, sinalikway sa katilingban. dili sila pwede nga mag-uban-uban sa mga tawo tungod sa ilang sakit. Ilang nabati nga daw wala na silay paglaum nga mamaayo tungod kay wala pa may tambal kaniadto sa maong sakit. apan ang nahitabo sa ebanghelyo nakapakugang sa kadaghanan tungod kay aduna diay paglaum diha kang kristo. 

Mga igsoon, usahay usab sa atong kaugalingon mawad-an na kita sa paglaum kon kita makasinati ug mga kalisdanan sa kinabuhi. Apan ayaw diay pagpakawala sa paglaum kay anaa man ang Dios mag-uban kanato. Habang may buhay may pag-asang naghihintay. Usahay dali ra kitang mosurender sa mga kalisdanan ug dili na dayon kita maningkamut nga daw wala nay pag-asa. Sayop diay kita niana tungod kay habang may buhay may pag-asang naghihintay. Don’t give up! Padayon!

Ako kaniadto sa akong pag-eskwela tungod kay dili lage intelligent nabagsak ko. Ang akong kuha sa final exam 49 ug ang passing grade 50. Wala gyod misugot ang maestra  sa akong paghangyo. Bisan unsaon nako ug hangyo gani mihilak na ako, wala gyod musugot. Apan wala ako moundang dahil habang may buhay may pag-asang naghihintay.

Kon ikaw naglisod sa imong pagpaningkamot karon, don’t give up! Dahil habang may buhay may pag-asang naghihintay. Kon ikaw naguol tungod sa mga problema sa kinabuhi nga daw wala nay kasulbaran, hinumdumi habang may buhay may pag-asang naghihintay.

Mga igsoon gihagit kita karon sa pagpadayon tungod kay aduna pay paglaum nga nagpaabot kanato. Don’t give up! Habang may buhay may pag-asang naghhihintay.