2ND SUNDAY OF ADVENT C

ROAD TO LIFE (Revised and repost)

Kon mogawas ko gikan sa akong parokya sa Malipayon Paingon sa Malaybalay o Valencia, hinay gayud ang dagan sa akong sakyanan kay Grabe ka Libaong ang Dalan. Dinhi pod sa atong lugar sa Malipayon paingon didto sa Cagayan de Oro daghan ka ug Makita nga “road construction”, “road under repair” tungod niini dugay kaayo kang makaabot sa imong padulngan. Daghan ang mga tawo nga sapoton labi na ang mga driver ug kadtong mga nagdali. Apan kon atong sabton pag-ayo, ang pag ayo sa atong kadalanan alang lang gihapon sa atong kaluwasan. Kini gihimo aron walay madisgrasya diha sa pagbiyahe, aron walay daghang makalas nga kinabuhi. It is for the purpose of saving our own lives.

Ang atong ebanghelyo karong adlawa nagpahinumdom kanato sa pag andam sa dalan sa Ginoo. Unsa man kini nga dalan? This is what we called the road to life. The road to life is no other than the road to Jesus Christ. Ug gihagit kita karong adlawa sa pag-andam niining maong dalan sa kinabuhi.

Unsa may atong buhaton aron maandam nato ang dalan sa kinabuhi nga mao ang dalan ni Kristo? Una, Sumala pa sa atong ikaduhang pagbasa karon: “gidayeg ni Pablo ang taga Filipos sa mga maayong buhat nga ilang gipakita kaniya. Mao usab kini ang mahitabo kanato kon atong ipakita ang mga maayong buhat ngadto sa uban. Daghan ang modayeg kanato tungod sa mga maayong butang nga ilang nakita. Di ba mao man usab kini ang giingon ni Santiago ‘mag unsa man ang pagtuo kon walay Buhat”.

 Ang akong kauban nga pari sa maramag kaniadto naghimo niining maayong buhat. Kada human niya ug misa sa Domingo iya dayong ihatod sa Happy Home ang iyang mga halad nga in kind. Inig-abot niya didto mosugat dayon ang mga buang ug moingon: “naa nasad si pader nagdala nasad ug sayote, sayote napod atong sud an ani!” hehehehehh di ba maayo man kini nga buhat! Isa kini ka paagi aron maandam ang atong dalan.

Ikaduha, ang paghinulsul. Kini mao ang gisangyaw ni Juan sa katawhan. Ang paghinulsul usa ka paagi aron mahugasan kita sa atong mga sala. Kon naghinulsul ka buot ipasabot nga nagbasul ka sa sayup nga imong nahimo ug mosaad ka nga dili na mousab pagbuhat niini. Repentant sinners can easily do good things and good things are works of repentant sinners.

Ikatulo mao ang pag utro sa Dalan sa Kinabuhi. Kon kini maot na nga dalan ayuha. Daghan ang mga walog sa atong kinabuhi, gani usahay mao kini ang hinungdan nga mawad-an kita sa pagsalig sa Dios. Apan miingon siya abonuhi: repair it! Don’t be afraid about it! Face it! Aron makapadayon ka sa imong panaw sa dalan sa kinabuhi, ayoha ang imong dalan.  Usahay makaingon usab ikaw sa imong kinabuhi: kakapoy naba sa akong pagtungas sa bukid, Lord”. Or makaingon ka grabe naman gyod kamaot ning akong dalan, Lord, gansalgansalon naman kaayo’. APAN ANG Dios magaingon kanimo: “Ayaw pag-undang, padayon bisan nianang tanan nimo nga nasinati”. Ang Dios nahibalo kon unsa ang imong makab-ot kon dili kita moundang sa pagpaningkamot.

Remember, good works, repent and change your way this is the road to life, the road to Jesus Christ.