3rd Sunday of Advent C

KON LIPAY MO! LIPAY POD KO!

Usa pari ang nagtudlo sa iyang katawhAn kon unsaon paghimo sa facial expression nga maharmonize sa ilang gisulti. Miingon ang Pari: kon mag estorya gani kamo ug langit kinahanglan nga ang inyong dagway mahayag ug nag shine in glory. Kon mag estorya gani mo ug kalipay kinahanglan nga ang inyong dagway nagngisi  o ng smile. Kon mag estorya gani mo ug kasubo kinahanglan mga mobati pod kamo ug kasubo; Ug kon mag estorya gani mo ug impierno: don’t change your facial expression kay kanang imong nawong mura nag impeirno.

GREETINGS!

Karon mao ang ikatulo nga domingo sa adbento . also known as gaudete Sunday. Gaudete in latin word meaning rejoice! Paglipay! Pagmalipayon! Ang kalipay usa ka desisyon sa kinabuhi.

UNSA MAN ANG GIINgon sa atong abanghelyo karon? Ang mga tawo nangutana kang Juan kon unsa ang ilang buhaton.

Una, ang dunay duha ka sapot ihatag ngadto sa walay bisti ug ang dunay pagkaon mohatag sa walay pagkaon. Sa ato pa, pagmanggihatagon. Dili ba mao man kini ang diwa sa pasko, ang pagkamanggihatagon? Buot ipasabot sa Dios paambit pod sa grasya nga imong nadawat.

 Nahinumdum ako sa akong parokya kaniadto, kon panahon na gani sa pasko ang mga katawhan mohalad ug mga use clothing nga dili na nila gamiton apan magamit pa, aron pag abot sa December 25, ipanghatag sa mga walay sinina. Daghan gyud kaayo ang naghatag ug nalipay kami. Ang pagkamanggihatagon usa ka maayo nga batasan sa tawo tungod kay kini makahatag ug kalipay ngadto sa uban.

Pag-uli nako sa balay kaniadto maoy akong naabtan nga nanaygon ang upat kabuok nga babaeng lumad gikan sa bukid. Silang upat adunay dala nga gagmayng bata, ako silang gipakanta ug gitagaan ug kuarta. Akong nabantayan nga ang usa ka bata giputos ug lampin nga basa (wet) sa akong pagtan aw sa bata wala gayoy sinina. Kalooy! Maygani kay naay gamay nga sinina sa balay.

Pasko karon panghatag mo kon naay inyo!

Ikaduha, ‘ayaw panglimbong ug ayaw pamintaha sa uban. Buot ipasabot be honest to your work ug ayaw daugdauga ang uban. Ayaw itugot nga tungod kanimo madaut ang uban ug magkalisodlisod. Himoa nga tungod kanimo nalipay ang uban tungod kay nakatabang ka kaniya.

Ikatulo, be satisfied of what you have. Ayaw pag angkon ug pangandoy ug subra labi na kon kini gikan sa limbong nga paagi. Kon unsay anaa! Dawata kini nga malipayon. Ayaw pagdawat sa salapi nga gikan sa limbong . makalipay tuod kini pero kadiyot lamang. Usa ka limbong nga gisuwelduhan ka ug sakto pero dili ka gatrabaho sa sakto. Usahay kini mahitabo sa mga trabahante sa gobyerno, naa man ganiy gisuwelduhan nga patay na! heheheheheh

Kining tulo nga gipadayag ni Juan diha sa atong abanghelyo usa ka lihok nga maayo ug kini makalipay kanimo ilabi na sa uban. Busa, angayan lamang nga ato kining mabatunan diha sa atong kinabuhi aron usab kita magmalipayon diha sa atong pagpanlimbasug sa kinabuhi. Atong batunan ang kinaiya nga:  kon lipay mo! Lipay pod ko!

Lipay ka! Lipay ko!