Sacred Heart Of Jesus

NAGPULAPULA NGA KASINGKASING

Adunay kitay gitawag nga puso nga lami sud anon, pwede utanon, gitawag nato kinig “puso sa Saging”. Aduna usab kitay gitawag nga “mahuyang nga puso” o huyang nga kasingkasing. Kasagara mao kini ang mga kasingkasing sa mga babae o mga lalake nga babayen on. Aduna usab kitay gitawag nga tig a nga kasingkasing, kasagara kini sa mga lalake nga bisan pag unsay mahitabo dili gyod mohilak o dili mahadlok masakitan. Anaa poy “wala” “Wala lang”, “Walay kasingkasing”. Mga tawo nga walay kasingkasing, bisan unsa pay mahitabo wala silang pakialam, mga walay Kasingkasing!

                Karong adlawa atong gisaulog ang mahal nga kasingkasing ni Hesus. O Sacred Heart of Jesus.” Kini nga kasingkasing lahi sa tanan nga mga kasingkasing. Ang kasingkasing ni Hesus malumo ug mapaubsanon. Mao kini ang kasingkasing nga gikan sa Amahan, malumo ug mapaubsanon. Tungod sa iyang pagka mapaubsanon gilansang siya sa Krus ug gipatay.

                Ang kasingkasing sa tawo usa ka parte sa lawas nga naghatag ug kinabuhi. Mao kini ang hinungdan nga nagapadayon pagcirculate ang atong mga dugo. Ang naka unique niini kay kon madaut ang ugat sa kasingkasing, aduna pa diay kiniy reserba nga pareha gayod niini. Kini gibutang sa atong tiil. Kon mo clog na gani ang ugat sa atong kasingkasing aduna pa kitay chance nga mabuhi tuingod sa reserba niini.

                 Sa kasingkasing gibutang ang pagbati o emotion, mao nga kon masuko kita mura ug kabutuhon ang atong kasingkasing. Apan kon mahigugma kita; nagpulapula sa kalipay ang atong mga kasingkasing.

Kita karon gihagit nga mamahimo nga sama sa Ginoo ang atong kasingkasing, malumo ug mapaubsanon. Malumo ug mapaubsanon unta kita labi na sa mga tawo nga luya ug mga kasingkasing o mga mayokmok.

Kini ang nagpabiling hagit kanato sa pagsaulog sa mahal nga kasingkasing ni Hesus.

                Ang puso sa saging lami, ang mahuyang humok ug kasingkasing, ang tig a ug kasingkasing gahi, ang mga walay kasingkasing wala lang, apan Ginoo malumo ug mapaubsanon ang kasingkasing. Ikaw? Unsa man ang imong kasingkasing?