SATURDAY IN THE OCTAVE OF EASTER

TAN AWA ANG TIBUOK NGA PAGKATAWO

Usa ka tawo nga naglakaw sa dalan ug sa kalit lang mibundok ang ulan busa midagan siya sa waiting shed aron makasilong apan kalit lang siyang natuluan sa ulan gikan sa buslot nga atop.” Naunsa maning governo nga bisag ang atop sa waiting shed wala man ayuha!”mireklamo siya.  Ang kauban nga tawo nga didto nisilong usab miingon: “brod, mas maayo nalang ni kay naka silong ta kay dako man ang atop kaysa buslot.”

Kasagara kanatong mga katawhan, ang sayop o ang dili maayo ra ang atong Makita ug wala kita nagtan aw sa kadako sa kaayo sa uban. Gusto gayod kita ug perpekto gayod ang tanan, apan dili ingon ana ang tanan anaa gayoy dili maayo sa atong kinabuhi.

Kini gipakita sa Ginoo diha atong Ebanghelyo karon nga siya nagtawag niadtong mga dili perpekto nga tawo. Una, si Maria Magdalena nga gisudlan ug dautang espiritu, unya ang duha ka tinun an nga nawad an sa paglaum sa kinabuhi ug sa iyang mga tinun an nga mga gahi ug ulo sumala pa ug gamay ra ang pagtuo. Mga igsoon, si Kristo mitawag niadtong dili mga perpekto nga tawo mga makasasala  Ug nagpakita nga ang pag alagad sa simbahan ug sa isigkaingon dili na kinahanglan nga perfect ka.

Duol na ang eleksyon ug uso na usab pagdinautay sa mga politiko. Sa atong pagbutar atong hinumduman nga kining mga tawhana dili perpekto. Aduna gayud silay mga sayup nga nahimo apan dili lang unta kanang sayop ang atong tan awon kon dili ang iyang tibuok nga pagkatawo nga andam moalagad ngadto sa katawhan. Dili perpekto ang tanan, ma sayop gayud kita ug ato kining tan awon dili lang sa iyang pagkasayop kon dili sa iyang usab nga pagkatawo ug sa iyang mga nabuhat.