Holy Thursday, the Last Supper A

PA CHANGE OIL POD OI!
Usa ka adlaw niana miadto ako sa gasoline station diin adunay change oil services nga gi offer kay gusto ko nga magpachange oil sa akong multicab nga baratohon. Sa pag abot nako daghan kayo ang naglinya nga sakyanan kay gusto por sila nga magpachange oil. Miduol kanako ang service man ug nangutana kon unsa nga services ang kinahanglan sa akong car, mitubag ko nga change oil. “Tanan nalang sir check up aron sigurado ang biyahe”, miingon siya.
Sa panahon ni Hesus, wala pay mga sakyanan. The only means of transport mao lamang ang pagbaklay. Ang mga tawo nga magbaklay kapuyon gayod pag ayo tungod sa kalayo niini ug dugang pa niana ang mga abog sa dalan ug ang kalisod niini maoy makapaluya kanila. Mao na nga kasagara kon moabot sila ug usa ka lugar mopahulay gayud sila sa mga balay pahulayanan. Sa mga balay nga pahulayanan, adunay mga servants nga maoy moatiman sa mga bisita aron sa paghugas sa ilang mga tiil ug pagpakaon niini. Mao kini ang nahitabo sa atong ebanghelyo karong adlawa, ang nakalahi lamang kay si Hesus mismo ang naghugas sa ilang mga tiil. Si Hesus nagpakahimong sulogoon sa iyang mga tinun-an bisan pag siya ang ilang leader.
Sa atong kinabuhi importante ang pagpahulay tungod kay kini mao ang maghatag kanato ug dugang kusog aron magpadayon sa kinabuhi. Susama lamang kana sa usa ka sakyanan, kon ang sakyanan wala na gani makaagi ug change oil dili gayud kini molungtad. Kinahanglan ang change oil ug paglimpyo sa sakyanan aron molahutay ug mohatud kanimo sa imong padulngan. Kon ma change oil na! Ug malimpyo na ang makina mobalik gayud  ang kusog niini.
 Mao usab kini sa atong kiinabuhi, we need change oil, we need to cleans our selves. Kon moabot na gani nga daw kapuyan naka sa imong journey sa kinabuhi, pahulay lang sa! Relax! In the hands of God. Let us allow ourselves to be clean in the hand and palms of God. Kon sa sakyanan pa, pa change oil sa pod oi!
Daghan ang mga pamaagi sa pagpahulay ug paglimpyo. Ang atong simbahan nga katoliko nag offer niini, sama pananglit sa mga retreat, recollection, seminars and many others. Kini nga mga programa maghatag kanato ug dugang kadasig sa pagpadayon sa kinabuhi. Maghatag kanato ug kalagsik aron kita mopadayon sa atong panaw.
Karong adlawa gihagit kita sa Dios nga kon moabot ang mga kakapoy, kalisod nga daw hapit kana mo surrender, have time to rests and relax. Look for a place where you can reflect and meditate with your life, God is ready to wash and cleans you. Have yourself a change oil...