FEAST OF THE DEDICATION OF THE LATERAN BASILICA

BE HOLY AS THE CHURCH IS

Anaa akoy nakasakay sa bus ug akong naobserbahan nga sa dihang milabay mi ug usa ka simbahan siya nanguros. Nakaingon ako, “katoliko gayud kining tawhana”.  Ang uban usab kanato kon makalabay kita ug simbahan manguros usab kita. Ngano kaha? Kini tungod kay ang simbahan balaan, pure ug sagrado. Niadtong baticano uno ang tawag sa usa ka simbahan mao lamang kanang building nga atong Makita apan sa pagsulod sa baticano dos  nabag o ang pagtan aw sa simbahan: ang simbahan mao ang mga tawo. Nan, sa ato pa, kon sagrado ang simbahan sagrado diay ang tawo kay kita man ang simbahan. Sagrado diay kita!

Mga igsoon ang atong ebanghelyo karon  naghisgot bahin sa templo nga gipangpuy an ug mga negosyante. Sa pagsulod ni Jesus iyang gipangyabo ang mga namaligya tungod kay ang iyang simbahan balay man alampoanan ug dili balay baligyaanan.

Sa sinugdan, ang tawo natawo nga limpyo, balaan ug pure. Mao bitaw nga ganahan kita ug bata, nindot hagwahagwaan, nindot halokhalokan kana tungod kay limpyo pa sila, pure pa sila, balaan pa sila. Apan sa kadugayan, ang tawo nagpakasala, nahugaw ug nawala ang kaputi niini. Nipuli ang daw anoos sa kaldero nga kaitom. Aron sa pagpabalik niini kinahanglan linisan, kiskisan, hugasan aron mobalik ang original form of the person ang kalimpyo sumala sa gihimo sa Dios.

Kita man ang simbahan sa Dios nga gihimo nga balaan, kinahanglan nga maningkamot ta sa pagkabalaan. Kon ang simbahan sagrado kita usab sagrado. We are the temple of the Holy Spirit, ika nga! Busa dili angayan nga hugawhugawan. Kinahanglan nga magpabilin kini nga limpyo ug tim os. Ang buot nako nga ipasabot kinahanglan nga limpyo ang kinabuhi, likayan ang paghugawhugaw- ang pagpakasala. Kon  ugaling makasala andam sa paghinulsol, pagbasol ug maning kamot nga malikayan ang pagpakasala.

Busa ayaw panaway, sa imong silingan kay siya usab templo sa Ginoo. Ayaw awaya ang imong friend kay siya usa ka templo sa Dios. Ayaw bugalbugali ang imong isigkaingon kay siya usa ka templo sa Dios.

Ang pagkatim os mao unta ang atong kanunay nga ipatigbabaw kay kita natawo man nga balaan.

Kon ikaw balaan! Pabilin sa imong kabalaan!!!!