21st SUNDAY IN ORDINARY TIME A

IKAW PINILI

Intro: sa panahon sa eleksyon kitang mga katawhan mopili ug mga liders sa atong nasud. Mopili kita ug president, senador congressman, governor ug daghan pang uban. Sa atong pagpili labi na kon tinuoray gayod kini mopili ta ug kasaligan nga mao y mangulo kanato. Maayo nga moserbisyo ug maayo nga moatiman sa katawhan mao gayud kini ng atong pillion.

Sa atong simbahan usab, aduna kitay mga pinili nga mga liders, mao bitaw nga aduna kitay gitawag ug PPCC-Parish Pastoral Coordinating Council nga maoy modala sa pagpadagan sa atong simbahan kauban sa parish priest.

Ang atong ebanghelyo karon nagsulti sa susamang paagi: una, si hesus gitawag nga mesiyas o anointed one, pinili sa Dios nga maoy muluwas sa iyang katawhan. Ikaduha, si Pedro gipili usab ni Hesus nga maoy modumala sa simbahan. Mao bitaw nga ang atong unang santo papa mao si Pedro. Si Pedro mao ang nangulo sa atong simbahan kaniadto. Peter was chosen as the first leaders of the church; the first pope.

Sa atong pamilya aduna kitay gitawag nga mga leaders, gitawag nato kini ug mga haligi sa panimalay kini mao silang mga amahan. Sa atong barangay anaay kapitan, sa atong lungsod anaay mayor, sa atong probinsya adunay Governor ug sa atong nasud adunay president. Silang tanan gipili aron maoy moserbisyo sa matag usa kanato. Ang usa ka lider andam moserbisyo sa iyang isigkaingon, andam mosakripisyo alang sa uban, andam motabang para sa uban. Kini ang tinuod nga mga pinili.

Sama kang Pedro gipili siya sa Dios nga magdumala sa simbahan nga bisan gani ang kamatayon dili makabuntog niini. Namatay si Pedro apan ang simbahan nagpabilin.

Kon kita nga mga yano nga tawo, dili inila sa katilingban apan andam sa pag-alagad sa iyang isigkaingon. Ikaw usa ka pinili. Kon ikaw adunay kasingkasing sa pagpangalagad ikaw usa ka pinili. Ang atong nahibal-an isip mga kristianos nga ang una natong misyon mao ang pagpangalagad. Kini pagtulun-an ato untang mapuy-an.  kita unta andam mangalagad sa uban sama ni Kristo. This is how we supposed to live.  Tungod kay kitang tanan mga pinili sa man.

Adunay usa ka pobre kaayo nga tawo nga miadto sa palasyo sa hari isip pagtubag sa tawag sa hari sa tanang mga lalaki sa ginharian  aron makapili nga mopuli isip hari, tungod kay siya tigulang na ug walay anak. Daghan kaayo ang nangabot, gasagara mga adunahan.

Sa pagsulod niya sa gate nakakita siya ug usa ka makililimos nga nangayo ug panabang sa mga nangagi, apan gilabaylabayan lamang sa mga tawo. Tungod sa iyang kalooy, iyang gihatag ang iyang gamay nga balon nga pagkaon ug usa ka sinina. 

 Didto sa sulod sa palasyo nagponsisok ang mga kalalakihan. 

Iyang nakita ang pultahan sa kuarto sa hari nga adunay manulod ug inig gawas masulob-on. Sa wala nay tawo gipasulod siya sa kuarto sa hari.

 Didto sa sulod nakurat siya tungod kay anaa didto naglingkod ang makililimos  nga iyang gitagaan ug pagkaon. Ang makililimos miingon kaniya: “ikaw, ang akong napili nga mopoli isip hari”.

Mga igsoon, we are all chosen to do the same.

Si Hesus pinili sa Amahan (Messiah, he died for it,  si Pedro gipili ni Hesus alang sa Simbahan(the first Pope) he also died for it. Ikaw isip pinili sa Dios gipuy an ba nimo ang imong pagka pinili? Remember you are chosen, live it.