11TH SUNDAY IN ORDINARY TIME C

GREAT LOVE CONQUERS ALL

Aduna akoy kaila nga usa  ka lalaki nga walay klaro ang kinabuhi: buot ipasabot bugoy siya, daghan ug bisyo, walay klaro nga trabaho ug walay kaugmaon. Apan usa ka adlaw niana, nakita niya ang usa  ka babae nga maoy nakapa tibok nang kanyang puso. Na inlove siya pag ayo, nanguyab siya; ang babae mingon: sugton taka if you will change your life. On that moment, the boy has changed his life forever: nangita siya ug trabaho nga maayo, gibiyaan niya ang iyang bisyo ug nagpuyo ug maayong kinabuhi.

Sa pagkakaron aduna na silay mga anak ug maayo na ang kinabuhi sa maong lalaki. Tinuod diay ang giingon, great love conquers all.

Greetings…

Mga igsoon, mao kini ang gipakita sa usa ka babae nga makasasala diha sa atong Ebanghelyo karong adlawa. Tungod sa iyang dakong gugma kang Hesus, iyang gibuhat ang tanan aron sa pag silbi sa Dios. Tungod niini napasaylo ug napapas ang iyang mga sala. Siguro kining bayhana dako kaayo ug sala tungod kay gilibak man siya ni Simon nga usa ka pariseo. Apan ang Ginoo wala magtagad kon unsa ka dako ang iyang sala tungod kay nahulipan kini sa dakong gugma nga gipakita  sa maong babae.

Karong adlawa gihagit kita sa pagpakita niining dakong gugma ngadto sa Dios ug ngadto sa atong isigkatawo. Kining maong gugma Makita unta nato sa atong kinabuhi. Kon tinuod kita nga nahigugma sa Dios , nan, ato kining ipakita pinaagi sa paghigugma usab sa atong isigkatawo.

Kon ikaw nahigugma sa usa katawo, imong ipakita ang tanan nga pagpangga, pagmahal kaniya. Dili nimo tagdon ang iyang pagkadautan. This is so because love conquers all. Kon ikaw nahigugma dali raka makapasaylo. Love conquers all.

Daghan ang mga tawo karon nga uhaw sa paghigugma: adunay uban nga uhaw sa pagpangga ilabi na kadtong wala kaayo’y mga barkada; adunay uban nga daw gibiyaan na sa ilang mga pamilya ug nangita ug pagmahal diha kaninyo. Atong ipakita ang atong paghigugma kanila. Hinumdumi love conquers all.

Mga igsoon, hinumdumi kini nga kon ikaw usa ka tawo nga mahigugmaon aduna kay dakong kaugmaon apan kon ikaw madinumtanon, sa sala ka ulipon.

Kaya begin to love and everything is for you, because love conquers all.