3RD SUNDAY OF EASTER (C)

FOLLOW THE TING! TING! IN LIFE

Sa seminario aduna kamiy routine ka adlaw sa among kinabuhi. kada bagting sa bagtingan adunay corresponding instructions  nga pagasundon. Pananglitan sa may alas 5 sa buntag pagbagting mangmata kami kay rising naman, sa pagpangaon ting nasad, sa pag eskwela ting na sad, ug daghan pang uban. Kinahanglan nga mosunod kon unsa ang buot ipasabot sa bagtingan aron maayo ang imong performance.

Ang unang pagbasa karon nga gikan sa mga buhat sa mga apostoles nagsangyaw sa pagka matinumanon sa mga disipulo ni Kristo. Si Pedro miingon: kinahanglan nga sundon namo ang Dios ug dili ang mga tawo. Gidala sila sa labawng hukmanan ug gisukitsukit sa mga pangulong pari ug gidid an sa pagsangyaw mahitungod ni Kristo apan sila miingon among sundon ang Dios ug dili ang mga tawo. Si pedro mismo ang maisugong misulti niini atubangan sa konseho ug wala gayud siya mahadlok kay ang iyang gisunod ang Dios man. Si Pedro nakahibalo nga bisan adunay mga pag antos sa iyang kinabuhi adunay dako kayo nga ganti ang naghulatn kaniya, mao ang kibuhing dayon.
Ang atong ebanghelyo karon naghisgot kang Simon Pedro ug sa iyang mga kauban nga nanagat apan wala makakuha  bisan usa na lamang nga isda. Miabot si Hesus, ug miingon nga sa tuo nga bahin itaktak ang pukot ug nakakuha sila ug daghan kaayo. Without any question mituman sila sa gimando sa Ginoo ug natuman ang ilang gipangandoy. Ato usab nga nadungog sa atong ebanghelyo nga sa makatulo gipangutana ni Hesus si Pedro: Gihigugma mo ba ako? Ug si Pedro mitubag usab sa makatulo oo Ginoo Gihigugma ko ikaw. Ang tulo ka pangutana ni Hesus ngadto kang Pedro kini giisip nga maoy tubag usab sa pagdeny ni Pedro kang Hesus sa makatulo.

Sa atong kinabuhi, daghan usab kitag angayan nga pagasundon nga instruction o guidelines aron maanindot ang atong pagkinabuhi. Everything is a ting! Ting! Nga angayan pagasundon. Sama panglitan diha sa pamilya adunay mga ting! Ting! Nga angayan sundon, adunay curfew sa mga bata ug uban pa! everything is a ting! Ting!sama sa paglakaw sa dalan kinahanglan diha gayod kita mosubay sa shoulder niini aron dili kita madisgrasya. Everything in life has a ting! Ting! To follow.

Ang atong presensya karon niining santos nga Misa nagpakita sa atong pagka loyal sa atong Ginoo. Kita nagpakita nga nagasunod gayod kaniya tungod kay ania man ikaw niining panahuna.

Mao usab kini diha sa atong pagka katoliko atong sundon ang mga instruction o guidelines sa atong Ginoo aron kita mabulahan. Sa atong pagsunod niini adunay dako kayo nga ganti nga nag paabot kanato. Kini nga ganti dili lamang isda sama sa atong ebanghelyo karon apan labaw pa sa isda nga mao ang  tunhay nga gingharian nga nagpaabot kanato. We have to follow everything alang sa Dios. Every ting! Ting! Ting!