6TH SUNDAY IN ORDINARY TIME A

SAFETY FIRST

Kasagara diha sa gate sa mga eskwelahan aduna gayoy nakasulat nga nagkanayon: NO ID, NO ENTRY.  Ang pagpatuman sa pagsul-ob sa ID gihimo sa mga school alang sa safety sa mga estudyante. Kon wala kay ID anang maong tulunghaan, nagpasabot nga dili ka estudyante sa maong school. ID is an identification that you are a bona fide student of a particular school. Kini nga kahimtang usa ka balaod sa eskwelahan aron pagpatuman sa kalinaw ug kaluwasan sa tanan.  SAFETY FIRST is the first priority of every institution.

Mao usab kini ang tumong sa Dios diha sa atong ebanghelyo karong domingoha. Jesus came not to abolish the law but to fulfill it. Jesus is trying to affirm the law that was given to Moses. Ang Ginoo naghatag ug balaod alang kanatong katawhan aron masiguro gayud ang atong kaluwasan. SAFETY FIRST Mao kini ang unang gihunahuna sa Dios alang kanato.

Dinhi sa kalibutan wala siguroy naghimo ug balaod aron makadaut sa tawo. Ang balaod gihimo aron mahapsay ang sistema sa atong kinabuhi. Mao usab kini ang gusto sa Dios alang kanato, gusto niya nga mahapsay ang atong kinabuhi aron magmalipayon kita sa atong pagpadayon sa atong pagpakigbisog sa kalibutan. Ang balaod mao ang naghatag kanato ug kalipay. Sama pananglitan, “ayaw pagpatay”- kon dili kita makapatay wala kitay kahadlokan, gawasnon kita ug malipayon. kon kita makapatay sigurado nga ang resulta kagul anan tungod kay mapriso man gayud kita ug kon dili magtago tago kita, walay kagawasan.  “Do not commit adultery”-ang paglapas niini nga balaod makabungkag sa pamilya, apan kon imo kining sundon bisan ug kabos malipayon ang imong pamilya. SAFETY FIRST mao ang iyang gusto alang kanato.

Ang balaod sa kalibutan gihimo aron mahapsay ang katawhan.

Ang Dios naghimo ug balaod aron magmalinawon ug malipay ang tawo.

Ikaw gusto ka bag mahapsay, malinawon ug malipayon nga kinabuhi? Pagpuyo uban sa Ginoo ug tumana ang balaod sa DIOS. This is for your own safety.  

SAFETY FIRST!