3RD SUNDAY OF ADVENT YEAR B

SHINE JESUS SHINE

Karong adlawa nagdala ako ug mga gamit para sa akong homily. Aduna akoy flashlight ug samin aron maipakita nako ang akong buot ipasabot sa akong ipaambit kaninyo. Akong gunitan ang samin sa akong atubangan ug unya akong pagunitan ang flashlight nga naka-on sa usa kaninyo. Kon ang suga sa flashlight itumong dinhi kanako, inyong mabantayan nga ang kahayag sa flashlight mo reflect diha kaninyo. Hinumduman ninyo nga dili ako ang kahayag, ako lang gipa reflect ang kahayag diha kaninyo pinaagi sa mirror.  

Aduna kitay angay nga hinumduman niini nga demonstration:

1.      Kinahanglan nga ang flashlight permente nga naka “on” o gasiga. Kay kon ang flashlight dili maka on dili gayud kini makahatag sa iyang kahayag.

2.      Kinahanglan nga dili ako motalikod sa flashlight kinahanglan nga naka atubang ako permanente niini. Kay kon motalikod ako dili na mo reflect ang light.

3.      Kinahanglan nga walay makababag between the light and the mirror kay kon naay makababag mapugngan ang iyang light.

Our gospel today, tells us that, "There was a man who was sent from God; his name was John. He came as a witness to testify concerning that light, so that through him all men might believe. He himself was not the light: he came only as a witness to the light. The true light that gives light to every man was coming into the world." Kinsa man kining kahayag nga giingon sa atong ebanghelyo karong adlawa? Walay lain mao ang Ginoong Hesus. Si Kristo ang tinuod nga kahayag. Atong hinumduman kanunay nga dili kita ang kahayag kon dili si Hesus mismo. Usa lamang kita ka samin, mirror nga nagpareflect sa kahayag ni Kristo.

Mga igsoon, atong hinumduman kanunay nga kinahanglan kanunay kitang naka “ON” aron ang kahayag ni kristo kanunay modan-ag ngadto sa uban. Christ does not turn off his on light. He is always unto us every time of our life.

Isip usa ka tig padan-ag sa kahayag, we must not turn away from the light so that we can always reflect the light of Christ. Ayaw talikdi ang Dios kay siya wala man motalikod kanato. Kon kita kanunay naga-atubang sa kahayag nga mao si Kristo, sigurado ako nga kita usab makapadan-ag sa iyang kahayag.

Sa katapusan, kinahanglan nga dili nato pasagdan ang uban nga maoy hinungdan nga mababagan ang kahayag nga atong gi-atubang. Ko naay mobabag kaninyo, give him/her the mirror so that he/she can reflect the light of Christ. Ang akong bout ipasabot nga tabangan nato siya aron mamahimo usab nga tigpadan-ag sa kahayag ni Kristo. We will keep Jesus shine to other people and  we will make ourselves mirrors that will reflect the light of Christ.

Shine Jesus shine.